👩‍🦰學生早前喺琴行買咗本《張國榮鋼琴流行曲集》，因為佢好想彈【有誰共鳴】，但發覺樂譜太深，好難學，問我可唔可以教佢，我幫佢重新編排樂譜，做咗個比較容易睇，又有效果，又好聽既琴譜比佢。🥰

琴日上堂，佢好開心咁話比我知，已彈咗一半，而唔知點解，一彈呢首歌時，心裡面就有份好喜悅既感覺，好期待喺舊友聚會時，可以彈比好友聽。😊⠀

我聽完學生既分享，感覺好欣慰，知道自己編譜既努力無白費外，更重要既係，學生彈呢首歌時，原來心裡面會有份莫明既喜悅感，更可以同人分享。

學彈琴原來真係有心靈治療既作用架！😇

⠀

您每次聽或彈邊首歌時，會覺得好治癒呢？可以分享一下嗎？