您用咩心情去學琴？😆😟

講開成人學生👩🏻👦🏻👩🏻‍🦳🧓🏻，真係有好多唔同性格，有一類學生，上堂時會同我有好多互動同交流，好多feedback，唔識就問，上堂時好開心，一邊學，一邊同我一齊笑，一路學，一路話比我聽好好玩，就算彈錯咗都覺得好好笑，落堂時會講比我知學到好多嘢。😆⠀

⠀

少部份學生，上堂唔多講嘢，滿臉正經、唔多發問，亦唔多想聽講解，成日趕住落手去彈，應該話無諗清楚就去彈，彈錯咗就愁眉苦臉，唉聲嘆氣，我想同佢傾多句，都好似浪費緊學琴既寶貴時間咁。😫⠀

⠀

若您係後者呢類學生，要知道其實咁樣係好難學習㗎，因為學琴其實係一個互動既過程，需要師生有交流，先至學得好，唔係只喺技巧上，而好多時都係心態上既轉變，先會令您彈得好呢！☺️⠀

⠀

另外，彈琴係要用腦，用腦，用腦㗎！（重要既嘢講三次）如果只專注喺手指，無先用腦去諗清楚，無去設計同舖排，都唔會彈得好，仲會錯漏百出添！所以唔好諗住彈琴就係不停彈、彈、彈！多聽老師解釋，多同老師傾傾，您會得著更多呢！😌⠀

⠀

您係前者定後者？😉講來聽吓好嗎？⠀

⠀